Ikipe ya Rayon Sports ikomeje kwitwara neza Nyuma yo kwegukana irushanwa rya CECAFA kagame cup mu ijoro ryo kuwa 9 Kanama yatangaje ku mugaragaro ko yasinyishije myugariro ukomoka mugihugu cya Côte d’Ivoire, Mohamed Ouattara.
Ikipe ya Rayon Sports yatangaje ayamakuru ikoresheje imbuga nkoranyambaga zayo imwakirana urugwiro, imwifuriza ikaze ndetse inatangaza ko yiteguye gufatanya na we mu rugendo rw’amarushanwa akomeye bagiye kwinjiramo muri uyu mwaka w’ imikino.
Mohamed Ouattara aje mu gihe Ikipe ya Rayon Sports iri gukomeza kubaka ikipe ifite ubushobozi bwo guhatanira ibikombe imbere mu gihugu no kwitwara neza mu marushanwa Nyafurika, nyuma yo kwerekana urwego rwiza mu mikino iheruka.
Uyu myugariro w’imyaka 33 yitezweho umusaruro mwiza muri iyi ekipe kuko amaze imyaka myinshi yitwara neza mu umukino w’ umupira w’ amaguru Mohamed Ouattara yakiniye amakipe akomeye agiye atandukanye azwiho guhatana ku rwego rwa Afurika.
Ouattara Mu mwaka wa 2018 yerekeje muri Wydad Athletic Club yo muri Maroc, imwe mu makipe akomeye ku mugabane wa Afurika, ayikinira kugeza mu 2020. Yitwaye neza muri iyi kipe bimuha amahirwe yo gukina amarushanwa akomeye arimo CAF Champions League ndetse no guhatana n’amakipe akomeye yo hirya no hino muri Afurika.
Nyuma yo kuva muri Wydad, yerekeje muri Al Hilal Omdurman yo muri Sudani, aho yamaze imyaka ibiri hagati ya 2020 na 2022. Al Hilal na yo ni imwe mu makipe akunze guhatana muri CAF Champions League, ibintu byatumye Ouattara arushaho kongera ubuhanga mu mikino mpuzamahanga.
Mu 2022 yasinye muri Simba SC yo muri Tanzania, imwe mu makipe akunzwe cyane muri Afurika y’Iburasirazuba. Yakinnye muri Simba kugeza mu 2023, aho yongeye kubona amahirwe yo gukina amarushanwa ya CAF.
Mohamed Ouattara Amaze kuva muri Tanzania, yerekeje muri Al Ain yo mu Cyiciro cya Mbere muri Leta Zunze Ubumwe z’Abarabu iyi ekipe yayikinnyemo hagati ya 2023 na 2024 mbere yo kuba umukinnyi mushya wa Rayon Sports.
Kwinjira kwa Ouattara muri Rayon Sports biri gutanga ikizere cy’ uko iyikipe izakomeza guhatana inatanga ikizere kubakunzi bayo Mohamed Ouattara aje yiyongera ku bandi bakinnyi basanzwe bakina inyuma barimo Ndayishimiye Didier, Matumona Wakonda Kanda Abel na Charles Tchouplaou.
Uburambe bweni uruhare rukomeye mu gufasha Rayon Sports cyane cyane mu marushanwa mpuzamahanga, aho ubunararibonye bukunze kuba kimwe mu bintu bifasha amakipe kubona umusaruro mwiza.
Rayon Sports iri kwinjira muri uyu mwaka w’imikino ifite icyizere kinini nyuma yo kwegukana igikombe cya CECAFA Kagame Cup 2026, irushanwa ryahuje amakipe atandukanye yo mu karere ka Afurika y’Iburasirazuba n’iyo Hagati.Mbere yo gutangira shampiyona, Rayon Sports izabanza gukina irushanwa rya Super Cup rizahuza amakipe yabaye aya mbere imbere mu gihugu.
Biteganyijwe ko iri rushanwa rizakinwa hagati ya tariki ya 22 na 28 Kanama 2026, aho Rayon Sports izatangira ihura na Police FC mu mukino wayo uzabanza.Nyuma ya Super Cup, Rayon Sports izahita itangira urugendo rwa BK Pro League 2026/27, aho izaba ifite intego yo kongera guhatanira igikombe cya shampiyona ndetse no gusubiza ibyishimo abafana bayo.
Si imbere mu gihugu gusa iyi kipe ifite akazi gakomeye, kuko izanahagararira u Rwanda muri CAF Confederation Cup ya 2026/27. Mu ijonjora rya mbere, Rayon Sports yatomboye Panthère Sportive du Ndé yo muri Cameroun, imwe mu makipe afite izina rikomeye muri icyo gihugu.
Uyu mukino uzasaba Rayon Sports kuba ifite ikipe yuzuye kandi ihagaze neza mu mpande zose, ari na yo mpamvu ubuyobozi bukomeje gushaka abakinnyi bafite ubunararibonye bashobora gufasha ikipe kwegukana irushanwa.
Ku bafana ba Rayon Sports, isinywa rya Mohamed Ouattara ryakiriwe nk’ikimenyetso cy’uko ubuyobozi bukomeje gushyira imbaraga mu kubaka ikipe izashobora guhanganan’ amakipe yo mu Rwanda nohanze yarwoMu minsi iri imbere, hitezwe kurebwa uburyo uyu myugariro mushya azafatanya nabo asanze bagatanga umusaruro iyi ekipe ikeneye ndetse n’uruhare azagira mu mikino ya Super Cup, BK Pro League na CAF Confederation Cup.
