18.2 C
Kigali
Saturday, November 21, 2026

Chris Brown Yahawe PhD y’Icyubahiro kubera Umusanzu we mu Muziki n’Ubuhanzi

spot_img

Umuhanzi w’icyamamare mu njyana ya R&B, Chris Brown, yahawe impamyabumenyi y’ikirenga y’icyubahiro (Honorary Doctorate/PhD) na Harvest Christian University yo muri Leta Zunze Ubumwe za Amerika, kubera uruhare rwe rukomeye mu muziki no mu buhanzi muri rusange.

Uyu muhango wabaye ku wa 23 Gicurasi 2026, aho Chris Brown yagaragaye yambaye umwambaro w’abarangije amashuri ndetse yitabira ibirori byo gutanga impamyabumenyi byahuje abanyeshuri barangije mu byiciro bitandukanye.

Iyi PhD yahawe uyu muhanzi ni iy’icyubahiro, bivuze ko atayibonye binyuze mu masomo cyangwa ubushakashatsi bwa akademiki, ahubwo yayiherewe kubera ibikorwa by’indashyikirwa amaze imyaka myinshi akora mu ruganda rw’umuziki n’imyidagaduro ku rwego mpuzamahanga.

Nyuma yo guhabwa iyi mpamyabumenyi, Chris Brown yashyize ubutumwa kuri Instagram bwe bugufi ariko bwagaragaje ibyishimo byinshi, aho yagize ati: “Nakoze akantu.”

Chris Brown akomeje kuba umwe mu bahanzi bafite izina rikomeye ku Isi, dore ko album ye nshya yise BROWN yasohotse muri Gicurasi 2026 iri mu zikomeje gukundwa cyane ku rutonde rwa Billboard.

Uyu muhanzi yatangiye urugendo rw’umuziki akiri muto cyane, aza kumenyekana by’umwihariko mu 2005 nyuma yo gusohora indirimbo Run It! yakunzwe ku Isi yose. Kugeza ubu amaze imyaka irenga 20 ari mu bahanzi bafite igikundiro gikomeye muri R&B no mu bitaramo byo ku rwego mpuzamahanga.

Afrizum
Author: Afrizum

spot_img
spot_img

Related Articles

LEAVE A REPLY

Please enter your comment!
Please enter your name here

Stay Connected

28,000FansLike
396,898FollowersFollow
1,800FollowersFollow
0SubscribersSubscribe
- get quality only -spot_img

Latest Articles