Uwahoze yegukana irushanwa rya Big Brother Naija, Phyna, yatakaje konti ye ya Instagram.Konti ya Instagram ya Phyna yafunzwe ku wa Mbere mu gihe yari akomeje guterana amagambo n’umusesenguzi ndetse n’icyamamare ku mbuga nkoranyambaga, VeryDarkMan.
Mu guhakana ibyo birego, VeryDarkMan yavuze ko ari ibisanzwe gusaba undi muntu mukuru uburenganzira bwo gukora imibonano mpuzabitsina, ndetse amusaba gutanga ibimenyetso.Mu gushimangira ibyo yavugaga, uyu mukobwa wamenyekanye muri reality show yashyize kuri Instagram ye ubutumwa yavuze ko yagiranye na VeryDarkMan.
Nyuma y’amasaha make ayo butumwa ashyizwe hanze, Instagram yahise ifunga konti ye. Ibi byakuruye impaka ku mbuga nkoranyambaga, aho bamwe bavugaga ko ari we wayifunze ku bushake.Mu gusubiza ibyo byavugwaga, Phyna yanditse kuri X ko Instagram ye yafunzwe koko.Yagize ati:“Si njye wafunze Instagram yanjye. Ngo nayifunze se kubera iki? Yafunzwe na Instagram ubwayo.”
