Urubanza ruri gukurikirwa n’Isi yose ruregwamo umuraperi w’icyamamare Sean Combs, uzwi nka Diddy, rwinjiye mu cyiciro cya nyuma kuri uyu wa Mbere tariki ya 30 Kamena 2025, ubwo Inteko Iburanisha yatangiye gusesengura ubuhamya n’ibimenyetso byatanzwe n’impande zombi mu gihe cy’ibyumweru birindwi.
Iri suzuma ririmo gukorwa nyuma y’uko umucamanza Arun Subramanian asoje iburanisha ku wa 27 Kamena 2025, aha uburenganzira Inteko Iburanisha bwo gutanga umwanzuro ku byaha uyu muraperi w’imyaka 55 aregwa.
Ibyaha bikomeye Diddy aregwa,Ubushinjacyaha bwagaragaje ko Diddy aregwa ibyaha bitanu bikomeye birimo:Uruhare mu mugambi w’ibyaha by’ubugizi bwa nabi,Ibyaha bibiri by’icuruzwa ry’abantu mu rwego rwo kubakoresha imibonano mpuzabitsina ku gahato,Ibyaha bibiri byo gutwara abantu hagamijwe ubusambanyi
Amategeko ya Leta Zunze Ubumwe za Amerika ateganya ko umuntu uhamwe n’icyaha cy’icuruzwa ry’abantu cyangwa umugambi w’ubugizi bwa nabi ashobora guhanishwa igifungo cya burundu.Ibimenyetso n’ubuhamya byatanzwe,Mu bimenyetso byatanzwe n’ubushinjacyaha harimo:
Ubutumwa bugufi, amafoto n’amashusho,Amashusho yafashwe n’imizindaro y’umutekano mu 2016 agaragaza Diddy akubita Cassie Ventura mu cyumba cya hoteli i Los Angeles
Amashusho y’ibirori byiswe “freak-off”, aho Cassie Ventura yatanze ubuhamya ko habagaho imibonano mpuzabitsina ku gahato, abantu basinze ndetse bananyweye ibiyobyabwenge bikomeye
IBYAHA DIDDY BYOSE YAKOZE BIRI GUKORERWA UBUSESENGUZI
Abatangabuhamya bagera kuri 34 bagaragaje ibikorwa bya Diddy birimo:Ihohoterwa rishingiye ku gitsina,Iterabwoba n’itangwa ry’ibiyobyabwenge,Ibirori by’imibonano yakorwaga ku gahato,Gushimuta, gutwika, no gucecekesha abatangabuhamya biciye mu gutanga ruswa n’igitutu,Uruhande rwunganira Diddy rurahakana ibirego,Abunganira Diddy bavuze ko ibikorwa byavuzwe byabaye ku bwumvikane, bigashingira ku buzima bwo mu muryango w’abantu bemera imibonano barenze umwe (swingers’ lifestyle).
Bashimangiye ko nta kimenyetso gifatika cyerekana igitutu cyangwa igitugu, banavuga ko bamwe mu bagore bemeye amafaranga y’amasezerano bagombaga gusinyana na Diddy, bagasaba urukiko gusuzuma impamvu nyayo y’iyo myumvikano.
Gusa nta batangabuhamya bigeze bashyirwa ku ruhande rw’uregwa, kandi Diddy ubwe ntiyigeze afata ijambo ngo yiregure.Inteko Iburanisha iri mu maboko y’amateka,Inteko Iburanisha igizwe n’abantu 12 — abagabo 8 n’abagore 4 — ni yo izafata icyemezo ku bijyanye n’ibi birego bikomeye. Mbere yo gutangira gusesengura ibimenyetso, umucamanza Subramanian yabahaye amabwiriza agena uko icyemezo gifatwa hashingiwe ku mategeko, anabibutsa ko umuntu uhamwa n’icyaha cy’icuruzwa ry’abantu agomba kuba yarakoresheje igitutu, igitugu, cyangwa ubushukanyi.
ISI YOSE ITEGEREJE IMYANZURO YURUBANZA RWA DIDDY
Umwanzuro utegerejwe n’Isi,Urubanza rwa Diddy rwatangiye kuvugwa cyane guhera muri Nzeri 2024 ubwo yatabwaga muri yombi. Kuba yaramamaye mu muziki w’Amerika, byatumye uru rubanza ruba kimwe mu zikurikiranywe cyane n’itangazamakuru n’abafana ku Isi hose.Icyemezo kizafatwa na Jury gishobora kuba igisubizo gikomeye mu guhangana n’icuruzwa ry’abantu, ihohoterwa rishingiye ku gitsina, n’ubucuruzi bw’ibiyobyabwenge mu rubyiniro n’inganda z’imyidagaduro.
Ni icyemezo kizagira ingaruka ku izina rya Diddy nk’umuhanzi, umushoramari, n’umwe mu banyamafaranga bagize uruhare rukomeye mu muziki wa Hip-Hop mu myaka 30 ishize.
