Perezida wa Repubulika y’u Rwanda, Paul Kagame, yagaragaje ko igihugu cy’u Bubiligi gikomeje gutera u Rwanda ibibazo, yibutsa ko Abanyarwanda badashaka na rimwe kuba Ababiligi.

Ibi yabigarutseho kuri uyu wa 16 Werurwe 2025, mu bikorwa byo kwegera abaturage byabereye muri BK Arena.

Ububiligi Bwagize Uruhare mu Mateka Mabi y’u Rwanda

Perezida Kagame yagarutse ku mateka mabi yaranze u Rwanda, avuga ko amahanga, by’umwihariko u Bubiligi, yagize uruhare mu kuzonga igihugu.

Ati: “U Bubiligi bwishe u Rwanda mu mateka arenze imyaka 30, rukajya rutugarukaho abasigaye rukabica… twarabihanangirije kuva kera, turaza kubihangiriza n’ubu.”

Yagaragaje ko u Bubiligi bwafashe umwanzuro wo gushishikariza amahanga guhana u Rwanda, bwitwaje intambara ikomeje muri Repubulika Iharanira Demokarasi ya Congo (RDC), aho ubutegetsi bwa Kinshasa burwana n’abarwanyi ba M23.

Ati: “Iyi myaka yose turi muri uru rugamba rwo kubaka igihugu, turashaka kuba Abanyarwanda, ntabwo dushaka kuba Ababiligi.”

U Rwanda Ruhagaritse Ubufatanye n’u Bubiligi

Muri Gashyantare 2025, u Rwanda rwasohoye itangazo rivuga ko ruhagaritse ubufatanye mu iterambere rwagiranaga n’u Bubiligi. U Rwanda rwasobanuye ko iki gihugu cyahisemo kubogamira kuri RDC, gishaka kurubuza amahirwe yo kugera ku nkunga z’iterambere zirimo n’izatangwa n’ibigo mpuzamahanga.

Uyu mwuka mubi watangiye kwigaragaza mu 2023, ubwo Guverinoma y’u Bubiligi yanze kwakira Ambasaderi w’u Rwanda i Brussels, Vincent Karega, itabanje kubimenyesha Kigali.

Ibi byose byarushijeho gukaza umubano mubi hagati y’ibihugu byombi, ariko Perezida Kagame yatangaje ko u Rwanda rutazasubira inyuma.

Ati: “Abanyarwanda ko mwemera Imana, Imana koko yashinze u Rwanda aba bantu? Turaza kubibibutsa neza mpaka.”